میرے لیے رات نے

میرے لیے رات نے

آج فراہم کیا

ایک نیا مرحلہ

نیندوں سے خالی کیا

اشکوں سے پھر بھر دیا

کاسہ مری آنکھ کا

اور کہا کان میں

میں نے ہر اک جرم سے

تم کو بری کر دیا

میں نے سدا کے لیے

تم کو رہا کر دیا

جاؤ جدھر چاہو تم

جاگو کہ سو جاؤ تم

خواب کا در بند ہے

mere liye rat ne

aj faraham kya

ek naya marhala

nindon se khali kiya

ashkon se phir bhar diya

kasa miri ankh ka

aur kaha kan mein

main ne har ik jurm se

tum ko buri kar diya

main ne sada ke liye

tum ko raha kar diya

jao jidhar chaho tum

jago ke so jao tum

khwab ka dar band hai