امن کی چادر میں

امن کی چادر میں

بارود اور مہلک ہتھیاروں کی گٹھڑی باندھ کے

دنیا بھر میں بھیجنے والے بے حس لوگو

اپنی سازش گاہ سے باہر جھانک کے دیکھو

چہرے پر جانی پہچانی بے مقصد سی کچھ تحریریں

تھکے ہوئے پیروں میں بھاگتے رستوں کی ساکت زنجیریں

جیسے آزادی کے گھر میں قید ہوں دو ننگی تصویریں

خشک لبوں پر پیاس بھری تلخی کے سارے ذائقے لکھے

خالی پیٹ کو آنکھوں کی دہلیز پہ رکھے

سامنے ایک سڑک کے موڑ پہ

دو زندہ سائے روتے ہیں

چہرے مہرے رنگ اور نسل میں

بالکل تم جیسے ہوتے ہیں

میلے جسم پر اندر کا احوال سجائے

ہاتھوں کو کشکول بنائے

آنے جانے والوں سے کہتے رہتے ہیں

بابا کوئی کام کرا لو

اور اس کے بدلے میں ہم کو

روٹی لا دو

بھوک مٹا دو

amn ki chadar mein

barud aur mohlik hathiyaron ki gathri bandh ke

duniya bhar mein bhejne wale be his logo

apni sazish gah se bahar jhank ke dekho

chehre par jani pahchani be maqsad si kuchh tahriren

thake hue pairon mein bhagte raston ki sakit zanjiren

jaise azadi ke ghar mein qaid hun do nangi taswiren

khushk labon par pyas bhari talkhi ke sare zaiqe likhe

khali pet ko ankhon ki dahliz pe rakhe

samne ek sarak ke mor pe

do zinda sae rote hain

chehre mohre rang aur nasl mein

bilkul tum jaise hote hain

mele jism par andar ka ahwal sajae

hathon ko kashkol banae

ane jane walon se kahte rahte hain

baba koi kam kara lo

aur us ke badle mein ham ko

roti la do

bhuk mita do