تم ہی اچھے تھے کسی سے کبھی تکرار نہ کی

تم ہی اچھے تھے کسی سے کبھی تکرار نہ کی

تم کہ تکرار کے خوگر بھی نہ تھے

تم ہی اچھے تھے

جو منجملۂ ارباب نظر رہتے تھے

شہر پر حوصلہ میں

شیوۂ اہل ہنر پر کبھی تنقید نہ کی

اتنے بے بس تھے کہ جب وقت پڑا

اپنی بھی تائید نہ کی

ہم برے لوگ ہیں سچ کہتے ہیں

ہم برے لوگ ہیں خوش نودیٔ ارباب اثر کے باغی

کبھی قطرے کو سمندر نہ لکھا

کسی ذرے کو بھی صحرا نہ کہا

قرض آئینہ چکانے کے لئے عکس سے محروم ہوئے

اور انساں سے محبت کا صلہ

اک سزا یافتہ مجرم کی طرح زندہ ہیں

tum hi achchhe the kisi se kabhi takrar na ki

tum ke takrar ke khugar bhi na the

tum hi achchhe the

jo minjumla-e-arbab-e-nazar rahte the

shahr par hausla mein

shewa-e-ahl-e-hunar par kabhi tanqid na ki

itne be bas the ke jab waqt para

apni bhi taid na ki

ham bure log hain sach kahte hain

ham bure log hain khush nawadi-e-arbab-e-asar ke baghi

kabhi qatre ko samundar na likha

kisi zarre ko bhi sahra na kaha

qarz aina chukane ke liye aks se mahrum hue

aur insan se mohabbat ka sila

ik saza yafta mujrim ki tarah zinda hain