سمندر چاندنی میں رقص کرتا ہے

سمندر چاندنی میں رقص کرتا ہے

پرندے بادلوں میں چھپ کے کیسے گنگناتے ہیں

زمیں کے بھید جیسے چاند تاروں کو بتاتے ہیں

ہوا سرگوشیوں کے جال بنتی ہے

تمہیں فرصت ملے تو دیکھنا

لہروں میں اک کشتی ہے

اور کشتی میں اک تنہا مسافر ہے

مسافر کے لبوں پر واپسی کے گیت

لہروں کی سبک گامی میں ڈھلتے

داستاں کہتے

جزیروں میں کہیں بہتے

پرانے ساحلوں پر گونجتے رہتے

کسی مانجھی کے نغموں سے گلے مل کر پلٹتے ہیں

تمہاری یاد کا صفحہ الٹتے ہیں

ابھی کچھ رات باقی ہے

تمہارا اور میرا ساتھ باقی ہے

اندھیروں میں چھپا اک روشنی کا ہاتھ باقی ہے

چلے آنا

کہ ہم اس آنے والی صبح کو اک ساتھ دیکھیں گے

samundar chandni mein raqs karta hai

parinde badalon mein chhup ke kaise gungunate hain

zamin ke bhed jaise chand taron ko batate hain

hawa sargoshiyon ke jal banti hai

tumhen fursat mile to dekhna

lahron mein ik kashti hai

aur kashti mein ik tanha musafir hai

musafir ke labon par wapsi ke git

lahron ki subuk gami mein dhalte

dastan kahte

jaziron mein kahin bahte

purane sahilon par gunjte rahte

kisi manjhi ke naghmon se gale mil kar palatte hain

tumhari yad ka safha ulatte hain

abhi kuchh rat baqi hai

tumhara aur mera sath baqi hai

andheron mein chhupa ik raushni ka hath baqi hai

chale ana

ke ham is ane wali subh ko ik sath dekhenge