خدائے برتر تری زمیں پر زمیں کی خاطر یہ جنگ کیوں ہے

خدائے برتر تری زمیں پر زمیں کی خاطر یہ جنگ کیوں ہے

ہر ایک فتح و ظفر کے دامن پہ خون انسان کا رنگ کیوں ہے

زمیں بھی تیری ہے ہم بھی تیرے یہ ملکیت کا سوال کیا ہے

یہ قتل و خوں کا رواج کیوں ہے یہ رسم جنگ و جدال کیا ہے

جنہیں طلب ہے جہان بھر کی انہیں کا دل اتنا تنگ کیوں ہے

خدائے برتر تیری زمیں پر زمیں کی خاطر یہ جنگ کیوں ہے

غریب ماؤں شریف بہنوں کو امن و عزت کی زندگی دے

جنہیں عطا کی ہے تو نے طاقت انہیں ہدایت کی روشنی دے

سروں میں کبر و غرور کیوں ہے دلوں کے شیشے یہ رنگ کیوں ہے

خدائے برتر تری زمیں پر زمیں کی خاطر یہ جنگ کیوں ہے

khuda-e-bartar tiri zamin par zamin ki khatir ye jang kyun hai

har ek fath-o-zafar ke daman pe khun insan ka rang kyun hai

zamin bhi teri hai ham bhi tere ye milkiyyat ka sawal kya hai

ye qatl-o-khun ka riwaj kyun hai ye rasm-e-jang-o-jidal kya hai

jinhen talab hai jahan bhar ki unhen ka dil itna tang kyun hai

khuda-e-bartar teri zamin par zamin ki khatir ye jang kyun hai

gharib maon sharif bahnon ko amn-o-izzat ki zindagi de

jinhen ata ki hai tu ne taqat unhen hidayat ki raushni de

saron mein kibr-o-ghurur kyun hai dilon ke shishe ye rang kyun hai

khuda-e-bartar tiri zamin par zamin ki khatir ye jang kyun hai