اپنے اندر ذرا جھانک میرے وطن

اپنے اندر ذرا جھانک میرے وطن

اپنے عیبوں کو مت ڈھانک میرے وطن

تیرا اتہاس ہے خوں میں لتھڑا ہوا

تو ابھی تک ہے دنیا میں بچھڑا ہوا

تو نے اپنوں کو اپنا نہ مانا کبھی

تو نے انساں کو انساں نہ جانا کبھی

تیرے دھرموں نے ذاتوں کی تقسیم کی

تری رسموں نے نفرت کی تعلیم دی

وحشتوں کا چلن تجھ میں جاری رہا

قتل و خوں کا جنوں تجھ پہ طاری رہا

اپنے اندر ذرا جھانک میرے وطن

تو دراوڑ ہے یا آریہ نسل ہے

جو بھی ہے اب اسی خاک کی فصل ہے

رنگ اور نسل کے دائرے سے نکل

گر چکا ہے بہت دیر اب تو سنبھل

تیرے دل سے جو نفرت نہ مٹ پائے گی

تیرے گھر میں غلامی پلٹ آئے گی

تیری بربادیوں کا تجھے واسطہ

ڈھونڈ اپنے لیے اب نیا راستہ

اپنے اندر ذرا جھانک میرے وطن

اپنے عیبوں کو مت ڈھانک میرے وطن

apne andar zara jhank mere watan

apne aibon ko mat dhank mere watan

tera ithas hai khun mein lithra hua

tu abhi tak hai duniya mein bichhra hua

tu ne apnon ko apna na mana kabhi

tu ne insan ko insan na jana kabhi

tere dharmon ne zaton ki taqsim ki

tiri rasmon ne nafrat ki taalim di

wahshaton ka chalan tujh mein jari raha

qatl-o-khun ka junun tujh pe tari raha

apne andar zara jhank mere watan

tu darawir hai ya arya nasl hai

jo bhi hai ab isi khak ki fasl hai

rang aur nasl ke daire se nikal

gar chuka hai bahut der ab to sambhal

tere dil se jo nafrat na mit paegi

tere ghar mein ghulami palat aegi

teri barbadiyon ka tujhe wasta

dhund apne liye ab naya rasta

apne andar zara jhank mere watan

apne aibon ko mat dhank mere watan