میں نے جو گیت ترے پیار کی خاطر لکھے

میں نے جو گیت ترے پیار کی خاطر لکھے

آج ان گیتوں کو بازار میں لے آیا ہوں

آج دکان پہ نیلام اٹھے گا ان کا

تو نے جن گیتوں پہ رکھی تھی محبت کی اساس

آج چاندی کے ترازو میں تلے گی ہر چیز

میرے افکار مری شاعری میرا احساس

جو تری ذات سے منسوب تھے ان گیتوں کو

مفلسی جنس بنانے پہ اتر آئی ہے

بھوک تیرے رخ رنگیں کے فسانوں کے عوض

چند اشیائے ضرورت کی تمنائی ہے

دیکھ اس عرصہ گہہ محنت و سرمایہ میں

میرے نغمے بھی مرے پاس نہیں رہ سکتے

تیرے جلوے کسی زردار کی میراث سہی

تیرے خاکے بھی مرے پاس نہیں رہ سکتے

آج ان گیتوں کو بازار میں لے آیا ہوں

میں نے جو گیت ترے پیار کی خاطر لکھے

main ne jo git tire pyar ki khatir likhe

aj in giton ko bazar mein le aya hun

aj dukan pe nilam uthega un ka

tu ne jin giton pe rakhi thi mohabbat ki asas

aj chandi ke tarazu mein talegi har chiz

mere afkar miri shayari mera ehsas

jo tiri zat se mansub the in giton ko

muflisi jins banane pe utar ai hai

bhuk tere rukh-e-rangin ke fasanon ke ewaz

chand ashiya-e-zarurat ki tamannai hai

dekh is arsa gah mehnat-o-sarmaya mein

mere naghme bhi mire pas nahin rah sakte

tere jalwe kisi zardar ki miras sahi

tere khake bhi mire pas nahin rah sakte

aj in giton ko bazar mein le aya hun

main ne jo git tire pyar ki khatir likhe