وہ ایک لمحہ جسے جاوداں کہا جائے

وہ ایک لمحہ جسے جاوداں کہا جائے

ملے تو حاصل عمر رواں کہا جائے

انہیں سے روح کو فرحت انہیں سے دل کو قرار

وہ حادثات جنہیں جاں ستاں کہا جائے

اسی میں چند محبت کے دن بھی شامل ہیں

تمام عمر کو کیوں رائیگاں کہا جائے

مرے نصیب میں لکھے نہ جا سکے تم سے

وہ چار تنکے جنہیں آشیاں کہا جائے

مرے ہجوم تمنا کی آخری منزل

بس ایک مرگ جسے ناگہاں کہا جائے

ادائے تمکنت حسن کا تقاضا ہے

ہر اک ستم پہ انہیں مہرباں کہا جائے

ہر ایک قطرے میں سو سو حکایتیں ہوں گی

ہزار دیدۂ تر بے زباں کہا جائے

حریم دل میں کہیں رہ گئی خلش بن کر

کسی کی یاد جسے نیش جاں کہا جائے

ہمارے اشک ہی جب نورؔ رکھ سکے نہ بھرم

پھر اور کس کو بھلا راز داں کہا جائے

wo ek lamha jise jawedan kaha jae

mile to hasil umr-e-rawan kaha jae

unhen se ruh ko farhat unhen se dil ko qarar

wo hadsat jinhen jan sitan kaha jae

isi mein chand mohabbat ke din bhi shamil hain

tamam umr ko kyun raigan kaha jae

mire nasib mein likhe na ja sake tum se

wo char tinke jinhen ashiyan kaha jae

mire hujum-e-tamanna ki akhiri manzil

bas ek marg jise nagahan kaha jae

ada-e-tamkanat-e-husn ka taqaza hai

har ik sitam pe unhen mehrban kaha jae

har ek qatre mein sau sau hikayaten hongi

hazar dida-e-tar be zaban kaha jae

harim-e-dil mein kahin rah gai khalish ban kar

kisi ki yad jise nesh-e-jan kaha jae

hamare ashk hi jab nur rakh sake na bharam

phir aur kis ko bhala raz dan kaha jae