گاندھیؔ ہو یا غالبؔ ہو

گاندھیؔ ہو یا غالبؔ ہو

ختم ہوا دونوں کا جشن

آؤ انہیں اب کر دیں دفن

ختم کرو تہذیب کی بات

بند کرو کلچر کا شور

ستیہ اہنسا سب بکواس

ہم بھی قاتل تم بھی چور

ختم ہوا دونوں کا جشن

آؤ انہیں اب کر دیں دفن

وہ بستی وہ گاؤں ہی کیا

جس میں ہریجن ہو آزاد

وہ قصبہ وہ شہر ہی کیا

جو نہ بنے احمدآباد

ختم ہوا دونوں کا جشن

آؤ انہیں اب کر دیں دفن

گاندھیؔ ہو یا غالبؔ ہو

دونوں کا کیا کام یہاں

اب کے برس بھی قتل ہوئی

ایک کی شکستہ اک کی زباں

ختم ہوا دونوں کا جشن

آؤ انہیں اب کر دیں دفن

gandhi ho ya ghalib ho

khatm hua donon ka jashn

ao unhen ab kar den dafn

khatm karo tahzib ki bat

band karo kalchar ka shor

satye anasa sab bakwas

ham bhi qatil tum bhi chur

khatm hua donon ka jashn

ao unhen ab kar den dafn

wo basti wo gaon hi kya

jis mein harijin ho azad

wo qasba wo shahr hi kya

jo na bane ahmadabad

khatm hua donon ka jashn

ao unhen ab kar den dafn

gandhi ho ya ghalib ho

donon ka kya kam yahan

ab ke baras bhi qatl hui

ek ki shikasta ik ki zaban

khatm hua donon ka jashn

ao unhen ab kar den dafn