چاند مدھم ہے آسماں چپ ہے
Sahir Ludhianvi (1921–1980)چاند مدھم ہے آسماں چپ ہے
نیند کی گود میں جہاں چپ ہے
دور وادی میں دودھیا بادل
جھک کے پربت کو پیار کرتے ہیں
دل میں ناکام حسرتیں لے کر
ہم ترا انتظار کرتے ہیں
ان بہاروں کے سائے میں آ جا
پھر محبت جواں رہے نہ رہے
زندگی تیرے نامرادوں پر
کل تلک مہرباں رہے نہ رہے!
روز کی طرح آج بھی تارے
صبح کی گرد میں نہ کھو جائیں
آ ترے غم میں جاگتی آنکھیں
کم سے کم ایک رات سو جائیں
چاند مدھم ہے آسماں چپ ہے
نیند کی گود میں جہاں چپ ہے
chand maddham hai asman chup hai
nind ki god mein jahan chup hai
dur wadi mein dudhiya badal
jhuk ke parbat ko pyar karte hain
dil mein nakam hasraten le kar
ham tira intizar karte hain
in baharon ke sae mein a ja
phir mohabbat jawan rahe na rahe
zindagi tere namuradon par
kal talak mehrban rahe na rahe!
roz ki tarah aj bhi tare
subh ki gard mein na kho jaen
a tire gham mein jagti ankhen
kam se kam ek rat so jaen
chand maddham hai asman chup hai
nind ki god mein jahan chup hai