انجام ہی کو اس کے نہ سمجھا نہ تو نہ میں

انجام ہی کو اس کے نہ سمجھا نہ تو نہ میں

ورنہ یہ خواہشات بڑھاتا نہ تو نہ میں

ہوش و خرد کو کام میں لایا نہ تو نہ میں

اس واسطے کمال کو پہنچا نہ تو نہ میں

سمجھوتہ کر لیں بیٹھ کے آ اے مرے ضمیر

سمجھوتہ مصلحت سے کرے گا نہ تو نہ میں

حالات حاضرہ کی نظر ہے بہت عمیق

حالات حاضرہ سے بچے گا نہ تو نہ میں

ذلت سوائے کچھ نہ ملے گا جو ہوتا علم

اپنوں کو اپنا حال سناتا نہ تو نہ میں

شاید اسی لئے کہ نہیں کیں خوشامدیں

منزل کو اپنی کوئی بھی پہنچا نہ تو نہ میں

اک شہر درد مند جو ہوتا ہمارا شہر

اتنا نڈھال درد سے ہوتا نہ تو نہ میں

anjam hi ko us ke na samjha na to na main

warna ye khwahishat barhata na to na main

hosh-o-khirad ko kam mein laya na to na main

is waste kamal ko pahuncha na to na main

samjhotah kar len baith ke a ai mire zamir

samjhotah maslahat se karega na to na main

halat hazra ki nazar hai bahut amiq

halat hazra se bachchega na to na main

zillat siwae kuchh na milega jo hota ilm

apnon ko apna hal sunata na to na main

shayad isi liye ke nahin kin khushamaden

manzil ko apni koi bhi pahuncha na to na main

ik shahr dard mand jo hota hamara shahr

itna nidhal dard se hota na to na main