چلو اک بار پھر سے اجنبی بن جائیں ہم دونوں

چلو اک بار پھر سے اجنبی بن جائیں ہم دونوں

نہ میں تم سے کوئی امید رکھوں دل نوازی کی

نہ تم میری طرف دیکھو غلط انداز نظروں سے

نہ میرے دل کی دھڑکن لڑکھڑائے میری باتوں سے

نہ ظاہر ہو تمہاری کشمکش کا راز نظروں سے

تمہیں بھی کوئی الجھن روکتی ہے پیش قدمی سے

مجھے بھی لوگ کہتے ہیں کہ یہ جلوے پرائے ہیں

مرے ہم راہ بھی رسوائیاں ہیں میرے ماضی کی

تمہارے ساتھ بھی گزری ہوئی راتوں کے سائے ہیں

تعارف روگ ہو جائے تو اس کا بھولنا بہتر

تعلق بوجھ بن جائے تو اس کو توڑنا اچھا

وہ افسانہ جسے انجام تک لانا نہ ہو ممکن

اسے اک خوبصورت موڑ دے کر چھوڑنا اچھا

چلو اک بار پھر سے اجنبی بن جائیں ہم دونوں

chalo ik bar phir se ajnabi ban jaen ham donon

na main tum se koi ummid rakhun dil nawazi ki

na tum meri taraf dekho ghalat andaz-e-nazron se

na mere dil ki dharkan larkharae meri baton se

na zahir ho tumhari kashmakash ka raz nazron se

tumhen bhi koi uljhan rokti hai pesh qadami se

mujhe bhi log kahte hain ke ye jalwe parae hain

mire ham rah bhi ruswaiyan hain mere mazi ki

tumhare sath bhi guzri hui raton ke sae hain

taaruf rog ho jae to us ka bhulna behtar

taalluq bojh ban jae to us ko torna achchha

wo afsana jise anjam tak lana na ho mumkin

use ik khubsurat mor de kar chhorna achchha

chalo ik bar phir se ajnabi ban jaen ham donon