یہ بھوکے لوگ جس دن گھر سے سڑکوں پر نکل آئے

یہ بھوکے لوگ جس دن گھر سے سڑکوں پر نکل آئے

کرو گے کیا اگر ان بے پروں کے پر نکل آئے

بہت ہشیار لوگو اس نئی تاریخ کے ہاتھوں

نہ جانے کب تمہارا گھر کسی کا گھر نکل آئے

کہیں کے پھول پتے ہیں کہیں کے پھل کہیں کے ہیں

عجب سے پیڑ اب بھارت کی دھرتی پر نکل آئے

جہاں سب بک رہا ہو اس جگہ ایسا بھی ممکن ہے

مرے ہی قتل کا الزام میرے سر نکل آئے

در تقدیس کو جب وا کیا تو قصر حرمت سے

بتاؤں کس زباں سے کتنے سوداگر نکل آئے

تمہارا اور تمہارے نظم کا اس روز کیا ہوگا

کبھی سوچا ہے دیواروں میں جس دن در نکل آئے

سعادتؔ آپ اس دیدہ وروں کی بھیڑ میں ڈھونڈیں

بہت ممکن ہے ان میں کوئی دیدہ ور نکل آئے

ye bhuke log jis din ghar se sarkon par nikal ae

karoge kya agar un be paron ke par nikal ae

bahut hushyar logo is nai tarikh ke hathon

na jane kab tumhara ghar kisi ka ghar nikal ae

kahin ke phul patte hain kahin ke phal kahin ke hain

ajab se per ab bharat ki dharti par nikal ae

jahan sab bik raha ho is jagah aisa bhi mumkin hai

mire hi qatl ka ilzam mere sar nikal ae

dar taqdis ko jab wa kya to qasr-e-hurmat se

bataun kis zaban se kitne saudagar nikal ae

tumhara aur tumhare nazm ka us roz kya hoga

kabhi socha hai diwaron mein jis din dar nikal ae

saadat ap is dida waron ki bhir mein dhunden

bahut mumkin hai un mein koi dida war nikal ae