تھرتھراتی رہی چراغ کی لو

تھرتھراتی رہی چراغ کی لو

اشک پلکوں پہ کانپ کانپ گئے

کوئی آنسو نہ بن سکا تارا

شب کے سایے نظر کو ڈھانپ گئے

کٹ گیا وقت مسکراہٹ میں

قہقہے روح کو پسند نہ تھے

وہ بھی آنکھیں چرا گئے آخر

دل کے دروازے جن پہ بند نہ تھے

سونپ جاتا ہے مجھ کو تنہائی

جس پہ دل اعتبار کرتا ہے

بنتی جاتی ہوں نخل صحرائی

تو نے چاہا تو میں نے مان لیا

گھر کو بازار کر دیا میں نے

بیچ کر اپنی ایک ایک امنگ

تجھ کو زردار کر دیا میں نے

اپنی بے چارگی پہ رو رو کر

دل تجھے یاد کرتا رہتا ہے

قہقہوں کے سیہ اجالے میں

جسم فریاد کرتا رہتا ہے

thartharati rahi charagh ki lau

ashk palkon pe kanp kanp gae

koi ansu na ban saka tara

shab ke saye nazar ko dhanp gae

kat gaya waqt muskurahat mein

qahqahe ruh ko pasand na the

wo bhi ankhen chura gae akhir

dil ke darwaze jin pe band na the

saunp jata hai mujh ko tanhai

jis pe dil etibar karta hai

banti jati hun nakhl-e-sahrai

tu ne chaha to main ne man liya

ghar ko bazar kar diya main ne

bech kar apni ek ek umang

tujh ko zardar kar diya main ne

apni be chargi pe ro ro kar

dil tujhe yad karta rahta hai

qahqahon ke siyah ujale mein

jism fariyad karta rahta hai