گھل جائے جس میں رنگ وہ پانی نہیں ہوں میں

گھل جائے جس میں رنگ وہ پانی نہیں ہوں میں

اپنی انا کا دشمن جانی نہیں ہوں میں

دیواریں روک پائیں وہ پانی نہیں ہوں میں

پھر جائے جس کا رخ وہ روانی نہیں ہوں میں

ڈھالی گئی نیت مری سیرت کی آنچ سے

صورت پہ مر مٹے وہ جوانی نہیں ہوں میں

حالات حاضرہ کی تپش کی دلیل ہوں

ماضی کی بھولی بصری کہانی نہیں ہوں میں

زندہ رہوں گا ان کے تعارف کی شکل میں

صرف اپنے بزرگوں کی نشانی نہیں ہوں میں

تکمیل خواہشات کا آثار ہوں میاں

پرکھو مجھے نشان گرانی نہیں ہوں میں

زندہ رکھے گا مجھ کو سعادتؔ مرا کلام

کہہ دیجئے گا موت سے فانی نہیں ہوں میں

ghul jae jis mein rang wo pani nahin hun main

apni ana ka dushman-e-jani nahin hun main

diwaren rok paen wo pani nahin hun main

phir jae jis ka rukh wo rawani nahin hun main

dhali gai niyut miri sirat ki anch se

surat pe mar mite wo jawani nahin hun main

halat hazra ki tapish ki dalil hun

mazi ki bhuli basari kahani nahin hun main

zinda rahunga un ke taaruf ki shakl mein

sirf apne buzurgon ki nishani nahin hun main

takmil khwahishat ka asar hun miyan

parkho mujhe nishan girani nahin hun main

zinda rakhega mujh ko saadat mira kalam

kah dijiye ga maut se fani nahin hun main