اے مرے دشمن جاں

اے مرے دشمن جاں

میں تجھے اور تو کچھ کہہ نہیں سکتا لیکن

کاش تقدیر کبھی تجھ کو دکھائے وہ دن

جب مہذب سی طوائف کوئی

اپنے پیشہ کی مذمت کر کے

تجھ سے اظہار محبت کر کے

تیرے اعصاب پہ نشے کی طرح چھا جائے

اور تجھے

اس کی محبت کا یقیں آ جائے

اے مرے دشمن جاں

ai mire dushman-e-jan

main tujhe aur to kuchh kah nahin sakta lekin

kash taqdir kabhi tujh ko dikhae wo din

jab mohazzab si tawaif koi

apne pesha ki mazammat kar ke

tujh se izhar-e-mohabbat kar ke

tere aasab pe nashe ki tarah chha jae

aur tujhe

us ki mohabbat ka yaqin a jae

ai mire dushman-e-jan