جب راہیں سب مسدود ہوئیں

جب راہیں سب مسدود ہوئیں

سب نیست ہوئیں نابود ہوئیں

دشمن کو کھوجتے پھرنے کی

تھیں کاوشیں جو

بے سود ہوئیں

پسپائیاں جو موجود نہ تھیں

اک آن میں آ موجود ہوئیں

میں سوچ کے اک دوراہے پر

حیراں آزردہ آ پہنچا

یہ ساری تگ و دو تنہا تھی

اس موڑ پہ بھی تنہا پہنچا

لیکن اس تنہا منظر میں

اک چہرہ اور ابھر آیا

جو صاف نظر آیا نہ کبھی

اب اتنے قریب نظر آیا

وہ چہرا دشمن کا چہرا

اس روپ میں پہلی بار ملا

کبھی ذات کے ہر منظر میں مرے

کبھی منظر کے اس پار ملا

میں خوب اسے پہچان گیا

جس روپ میں وہ جس بار ملا

پھر اپنے دل پہ نظر جو کی

آمادہ پئے پیکار ملا

پھر میں نے کسی تاخیر بنا

اک وار بہت سفاک کیا

خود اپنا گریباں چاک کیا

jab rahen sab masdud huin

sab nist huin nabud huin

dushman ko khojte phirne ki

thin kawishen jo

be sud huin

paspaiyan jo maujud na thin

ik an mein a maujud huin

main soch ke ik dorahe par

hairan azurda a pahuncha

ye sari tag-o-do tanha thi

is mor pe bhi tanha pahuncha

lekin is tanha manzar mein

ik chehra aur ubhar aya

jo saf nazar aya na kabhi

ab itne qarib nazar aya

wo chehra dushman ka chehra

is rup mein pahli bar mila

kabhi zat ke har manzar mein mire

kabhi manzar ke us par mila

main khub use pahchan gaya

jis rup mein wo jis bar mila

phir apne dil pe nazar jo ki

amada piye paikar mila

phir main ne kisi takhir bana

ik war bahut saffak kiya

khud apna gareban chak kiya