اس طرح دنیا کے دل میں گھر بنا

اس طرح دنیا کے دل میں گھر بنا

اپنی طرز گفتگو بہتر بنا

سوچ سے ہے ارتقائی انقلاب

سوچ کو اپنی نہ تو پتھر بنا

جس کے گرد و پیش گھومے کائنات

ہو سکے تو خود کو وہ محور بنا

روشنی جتنی بنائی آپ نے

یہ اندھیرا اور طاقت ور بنا

ہر طرف کار حفاظت دیکھ کر

اور بھی شدت سے دل میں ڈر بنا

تلملا اٹھیں سبھی سوئے ضمیر

ایسے کچھ حساس تر نشتر بنا

مشق کی ہے کتنے شیشے توڑ کر

تب سعادتؔ ایک شیشہ گر بنا

is tarah duniya ke dil mein ghar bana

apni tarz-e-guftugu behtar bana

soch se hai irtiqai inqilab

soch ko apni na to patthar bana

jis ke gard-o-pesh ghume kainat

ho sake to khud ko wo mehwar bana

raushni jitni banai ap ne

ye andhera aur taqat war bana

har taraf kar-e-hifazat dekh kar

aur bhi shiddat se dil mein dar bana

tilmila uthen sabhi su-e-zamir

aise kuchh hassas tar nashtar bana

mashq ki hai kitne shishe tor kar

tab saadat ek shisha gar bana