Arooz is now on the App Store, for iPhone and iPad. Download →

All poetry

سنو

Pirzada Qasim

سنو

یہ یاد رکھنے کا ہنر آساں نہیں ہوتا

مجھے تم یاد ہو

اور میری ہر ہر سانس میں بس کر

مشام جاں معطر کر رہی ہو

ٹھیک ہے لیکن

بھلا وہ کون تھا جس نے

تمہیں پہلے پہل چاہا

وہ میرا عشق تھا میں تھا

وہ شاید میں ہی تھا

لیکن نہیں ہے یاد اب کچھ بھی

سنو

یہ یاد رکھنے کا ہنر آساں نہیں ہوتا

کسی کو یاد رکھنے میں

بہت کچھ بھول جانا ہی تو پڑتا ہے