یکساں سبھی کا حال نہیں ہے تو کیوں نہیں

یکساں سبھی کا حال نہیں ہے تو کیوں نہیں

تجھ کو جو یہ خیال نہیں ہے تو کیوں نہیں

تنقید و طنز کی سبھی ضربوں کے باوجود

شیشوں میں کوئی بال نہیں ہے تو کیوں نہیں

آئینوں کو دکھا سکیں بے خوف آئنہ

لوگوں میں یہ مجال نہیں ہے تو کیوں نہیں

بس ایک ہی سوال مسیحائے وقت سے

زخموں کا اندمال نہیں ہے تو کیوں نہیں

دھوکے دغا فریب سیاست کو کیوں عروج

شاعر کو یہ خیال نہیں ہے تو کیوں نہیں

ہولی تو آئی ہے وہی لیکن ہے بات کیا

چہروں پہ وہ گلال نہیں ہے تو کیوں نہیں

کچھ فکر ہو تو تجھ کو سعادتؔ یہ فکر ہو

تیری کوئی مثال نہیں ہے تو کیوں نہیں

yaksan sabhi ka hal nahin hai to kyun nahin

tujh ko jo ye khayal nahin hai to kyun nahin

tanqid-o-tanz ki sabhi zarbon ke bawajud

shishon mein koi bal nahin hai to kyun nahin

ainon ko dikha saken be khauf aina

logon mein ye majal nahin hai to kyun nahin

bas ek hi sawal-e-masiha-e-waqt se

zakhmon ka indimal nahin hai to kyun nahin

dhoke dagha fareb-e-siyasat ko kyun uruj

shayar ko ye khayal nahin hai to kyun nahin

holi to ai hai wahi lekin hai bat kya

chehron pe wo gulal nahin hai to kyun nahin

kuchh fikr ho to tujh ko saadat ye fikr ho

teri koi misal nahin hai to kyun nahin