ذہن خالی ہے

ذہن خالی ہے

خلا نور سے یا نغمے سے

یا نکہت گم راہ سے بھی

پر نہ ہوا

ذہن خالی ہی رہا

یہ خلا حرف تسلی سے

تبسم سے

کسی آہ سے پر نہ ہوا

اک نفی لرزش پیہم میں سہی

جہد بے کار کے ماتم میں سہی

ہم جو نارس بھی ہیں غم دیدہ بھی ہیں

اس خلا کو

سرمست گدا کے مانند)

کسی مینار کی تصویر سے

یا رنگ کی جھنکار سے

یا خوابوں کی خوشبوؤں سے

پر کیوں نہ کریں؟

کہ اجل ہم سے بہت دور

بہت دور رہے؟

نہیں ہم جانتے ہیں

ہم جو نارس بھی ہیں غم دیدہ بھی ہیں

جانتے ہیں کہ خلا ہے وہ جسے موت نہیں

کس لیے نور سے یا نغمے سے

یا حرف تسلی سے اسے ''جسم ''بنائیں

اور پھر موت کی وارفتہ پذیرائی کریں؟

نئے ہنگاموں کی تجلیل کا در باز کریں

صبح تکمیل کا آغاز کریں؟

zehn khali hai

khala nur se ya naghme se

ya nikhat gum rah se bhi

par na hua

zehn khali hi raha

ye khala harf-e-tasalli se

tabassum se

kisi ah se par na hua

ik nafi larzish-e-paiham mein sahi

jahd-e-be kar ke matam mein sahi

ham jo naras bhi hain gham dida bhi hain

is khala ko

sarmast gada ke manind)

kisi minar ki taswir se

ya rang ki jhankar se

ya khwabon ki khushbuon se

par kyun na karen?

ke ajal ham se bahut dur

bahut dur rahe?

nahin ham jante hain

ham jo naras bhi hain gham dida bhi hain

jante hain ke khala hai wo jise maut nahin

kis liye nur se ya naghme se

ya harf-e-tasalli se use ''jism ''banaen

aur phir maut ki warafta pazirai karen?

nae hangamon ki tajlil ka dar baz karen

subh takmil ka aghaz karen?