نکل کر جوئے نغمہ خلد زار ماہ و انجم سے

نکل کر جوئے نغمہ خلد زار ماہ و انجم سے

فضا کی وسعتوں میں ہے رواں آہستہ آہستہ

بہ سوئے نوحہ آباد جہاں آہستہ آہستہ

نکل کر آ رہی ہے اک گلستان ترنم سے

ستارے اپنے میٹھے مدھ بھرے ہلکے تبسم سے

کیے جاتے ہیں فطرت کو جواں آہستہ آہستہ

سناتے ہیں اسے اک داستاں آہستہ آہستہ

دیار زندگی مدہوش ہے ان کے تکلم سے

یہی عادت ہے روز اولیں سے ان ستاروں کی

چمکتے ہیں کہ دنیا میں مسرت کی حکومت ہوں

چمکتے ہیں کہ انساں فکر ہستی کو بھلا ڈالے

لیے ہے یہ تمنا ہر کرن ان نور پاروں کی

کبھی یہ خاک داں گہوارۂ حسن و لطافت ہو

کبھی انسان اپنی گم شدہ جنت کو پھر پا لے

nikal kar ju-e-naghma khuld zar-e-mah-o-anjum se

faza ki wusaton mein hai rawan ahista ahista

ba su-e-nauha abad-e-jahan ahista ahista

nikal kar a rahi hai ik gulistan-e-tarannum se

sitare apne mithe madh bhare halke tabassum se

kiye jate hain fitrat ko jawan ahista ahista

sunate hain use ik dastan ahista ahista

dayar-e-zindagi madhosh hai un ke takallum se

yahi adat hai roz-e-awwalin se in sitaron ki

chamakte hain ke duniya mein masarrat ki hukumat hun

chamakte hain ke insan fikr-e-hasti ko bhala dale

liye hai ye tamanna har kiran un nur paron ki

kabhi ye khak dan gahwara-e-husn-o-latafat ho

kabhi insan apni gum shuda jannat ko phir pa le