رحمتوں میں تری آغوش کی پالے گئے ہم

رحمتوں میں تری آغوش کی پالے گئے ہم

ایسے مردود ہوئے پھر کہ نکالے گئے ہم

آسمانوں کو سنبھالے رہی قدرت تیری

اتنے سرکش تھے کہ تجھ سے نہ سنبھالے گئے ہم

عشق کی بو تھی تجسس کا نشہ شوق کا رنگ

ساغر گل میں ترے واسطے ڈھالے گئے ہم

تجربات اپنے مقدر میں لیے مرحلہ وار

تیرے بازار تماشا میں اچھالے گئے ہم

جنس احساس کی دوکان پہ سناٹا تھا

کوئی گاہک نہ تھا اس کا تو اٹھا لے گئے ہم

رعب طاری تھا زباں پر ترا مخلوق تھی چپ

ہم تو عاشق تھے غم ہجر سنا لے گئے ہم

لوٹ لے چین کوئی یہ نہ ہوا تھا اب تک

مطمئن رہ گیا وہ اور چرا لے گئے ہم

rahmaton mein tiri aghosh ki pale gae ham

aise mardud hue phir ke nikale gae ham

asmanon ko sambhale rahi qudrat teri

itne sarkash the ke tujh se na sambhale gae ham

ishq ki bu thi tajassus ka nasha shauq ka rang

saghar-e-gul mein tire waste dhale gae ham

tajribat apne muqaddar mein liye marhala war

tere bazar-e-tamasha mein uchhale gae ham

jins-e-ehsas ki dukan pe sannata tha

koi gahak na tha us ka to utha le gae ham

rob tari tha zaban par tira makhluq thi chup

ham to ashiq the gham-e-hijr suna le gae ham

laut le chain koi ye na hua tha ab tak

mutmain rah gaya wo aur chura le gae ham