سمندر کی تہ میں

سمندر کی تہ میں

سمندر کی سنگین تہ میں

ہے صندوق

صندوق میں ایک ڈبیا میں ڈبیا

میں ڈبیا

میں کتنے معانی کی صبحیں

وہ صبحیں کہ جن پر رسالت کے دربند

اپنی شعاعوں میں جکڑی ہوئی

کتنی سہمی ہوئی!

نہ جانے کسی نے چرایا؟

ہمارے ہی ہاتھوں سے پھسلا؟

پھسل کر گرا؟

سمندر کی تہ میں مگر کب؟

ہمیشہ سے پہلے

ہمیشہ سے بھی سالہا سال پہلے؟)

اور اب تک ہے صندوق کے گرد

لفظوں کی راتوں کا پہرا

وہ لفظوں کی راتیں

جو دیووں کی مانند

پانی کے لس دار دیووں کے مانند

یہ لفظوں کی راتیں

سمندر کی تہ میں تو بستی نہیں ہیں

مگر اپنے لا ریب پہرے کی خاطر

وہیں رینگتی ہیں

شب و روز

صندوق کے چار سو رینگتی ہیں

سمندر کی تہ میں!

بہت سوچتا ہوں

کبھی یہ معانی کی پاکیزہ صبحوں کی پریاں

رہائی کی امید میں

اپنے غواص جادو گروں کی

صدائیں سنیں گی؟

samundar ki tah mein

samundar ki sangin tah mein

hai sanduq

sanduq mein ek dibiya mein dibiya

main dibiya

main kitne maani ki subhen

wo subhen ke jin par risalat ke darband

apni shuaon mein jakri hui

kitni sahmi hui!

na jane kisi ne churaya?

hamare hi hathon se phisla?

phisal kar gira?

samundar ki tah mein magar kab?

hamesha se pahle

hamesha se bhi salha-e-sal pahle?)

aur ab tak hai sanduq ke gard

lafzon ki raton ka pahra

wo lafzon ki raten

jo dewon ki manind

pani ke las dar dewon ke manind

ye lafzon ki raten

samundar ki tah mein to basti nahin hain

magar apne la raib pahre ki khatir

wahin rengti hain

shab-o-roz

sanduq ke char su rengti hain

samundar ki tah mein!

bahut sochta hun

kabhi ye maani ki pakiza subhon ki pariyan

rihai ki ummid mein

apne ghawwas jadu garon ki

sadaen sunengi?