الجھی عقیدتوں کے بیانات ہم سفر

الجھی عقیدتوں کے بیانات ہم سفر

جس راہ بھی گئے یہ خرابات ہم سفر

مشکل ترین خواہش تحقیق کا سفر

پر خار راستوں پہ مکافات ہم سفر

دل کی تڑپ کے واسطے محبوب ناگزیر

راہ وفا میں غم کے کنایات ہم سفر

تھی در بدر یہ عقل تو اس کی تلاش میں

لیکن قدم قدم پہ خرافات ہم سفر

اک ہم کہ ہر پڑاؤ پہ بے چارگی کا ساتھ

اک وہ کہ ہر قدم پہ کرامات ہم سفر

ساتھ اپنے جلوہ جلوہ بھٹکتی ہوئی نظر

بے تابیوں میں شوق ملاقات ہم سفر

uljhi aqidaton ke bayanat ham safar

jis rah bhi gae ye kharabat ham safar

mushkil tarin khwahish-e-tahqiq ka safar

pur khar raston pe mukafat ham safar

dil ki tarap ke waste mahbub naguzir

rah-e-wafa mein gham ke kanayat ham safar

thi dar badar ye aql to us ki talash mein

lekin qadam qadam pe khurafat ham safar

ik ham ke har parao pe be chargi ka sath

ik wo ke har qadam pe karamat ham safar

sath apne jalwa jalwa bhatakti hui nazar

be tabiyon mein shauq mulaqat ham safar