اس کا چہرہ، اس کے خد و خال یاد آتے نہیں

اس کا چہرہ، اس کے خد و خال یاد آتے نہیں

اک شبستاں یاد ہے

اک برہنہ جسم آتشداں کے پاس

فرش پر قالین، قالینوں پہ سیج

دھات اور پتھر کے بت

گوشۂ دیوار میں ہنستے ہوئے!

اور آتشداں میں انگاروں کا شور

ان بتوں کی بے حسی پر خشمگیں

اجلی اجلی اونچی دیواروں پہ عکس

ان فرنگی حاکموں کی یادگار

جن کی تلواروں نے رکھا تھا یہاں

سنگ بنیاد فرنگ!

اس کا چہرہ اس کے خد و خال یاد آتے نہیں

اک برہنہ جسم اب تک یاد ہے

اجنبی عورت کا جسم،

میرے'' ہونٹوں'' نے لیا تھا رات بھر

جس سے ارباب وطن کی بے حسی کا انتقام

وہ برہنہ جسم اب تک یاد ہے!

us ka chehra, us ke khad-o-khal yad ate nahin

ik shabistan yad hai

ik barahna jism atashdan ke pas

farsh par qalin, qalinon pe sej

dhat aur patthar ke but

gosha-e-diwar mein hanste hue!

aur atashdan mein angaron ka shor

un buton ki be hissi par khashmgin

ujli ujli unchi diwaron pe aks

un farangi hakimon ki yadgar

jin ki talwaron ne rakha tha yahan

sang-e-buniyad farang!

us ka chehra us ke khad-o-khal yad ate nahin

ik barahna jism ab tak yad hai

ajnabi aurat ka jism,

mere'' honton'' ne liya tha rat bhar

jis se arbab-e-watan ki be hissi ka intiqam

wo barahna jism ab tak yad hai!