سلیماں سر بہ زانو اور سبا ویراں

سلیماں سر بہ زانو اور سبا ویراں

سبا ویراں، سبا آسیب کا مسکن

سبا آلام کا انبار بے پایاں!

گیاہ و سبزہ و گل سے جہاں خالی

ہوائیں تشنۂ باراں،

طیور اس دشت کے منقار زیر پر

تو سرمہ ور گلو انساں

سلیماں سر بہ زانو اور سبا ویراں!

سلیماں سر بہ زانو ترش رو، غمگیں، پریشاں مو

جہانگیری، جہانبانی، فقط طرارۂ آہو،

محبت شعلۂ پراں، ہوس بوئے گل بے بو

ز راز دہر کمتر گو!

سبا ویراں کہ اب تک اس زمیں پر ہیں

کسی عیار کے غارت گروں کے نقش پا باقی

سبا باقی، نہ مہروئے سبا باقی!

سلیماں سر بہ زانو

اب کہاں سے قاصد فرخندہ پے آئے؟

کہاں سے، کس سبو سے کاسۂ پیری میں مے آئے؟

sulaiman sar ba zanu aur saba wiran

saba wiran, saba aseb ka maskan

saba alam ka ambar be payan!

giyah-o-sabza-o-gul se jahan khali

hawaen tishna-e-baran,

tuyur is dasht ke minqar zer par

tu surma war galo insan

sulaiman sar ba zanu aur saba wiran!

sulaiman sar ba zanu tursh ru, ghamgin, pareshan mu

jahangiri, jahanbani, faqat tararah-e-ahu,

mohabbat shola-e-paran, hawas bu-e-gul-e-be bu

ze raz-e-dahr kamtar go!

saba wiran ke ab tak is zamin par hain

kisi ayyar ke gharat garon ke naqsh-e-pa baqi

saba baqi, na mehro-e-saba baqi!

sulaiman sar ba zanu

ab kahan se qasid farkhunda pe ae?

kahan se, kis subu se kasa-e-piri mein mai ae?