دور شاداب پہاڑی پہ بنا اک بنگلہ

دور شاداب پہاڑی پہ بنا اک بنگلہ

لال کھپریلوں پہ پھیلی ہوئی انگور کی بیل

صحن میں بکھرے ہوئے مٹی کے راجا رانی

منہ چڑھاتی ہوئی بچوں کو کوئی دیوانی

سیب کے اجلے درختوں کی گھنی چھاؤں میں

پاؤں ڈالے ہوئے تالاب میں کوئی لڑکی

گورے ہاتھوں میں سنبھالے ہوئے تکیے کا غلاف

ان کہی باتوں کو دھاگوں میں سیے جاتی ہے

دل کے جذبات کا اظہار کیے جاتی ہے

گرم چولھے کے قریں بیٹھی ہوئی اک عورت

ایک پیوند لگی ساڑی سے تن کو ڈھانپے

دھندلی آنکھوں سے مری سمت تکے جاتی ہے

مجھ کو آواز پہ آواز دئیے جاتی ہے

اک سلگتی ہوئی سگریٹ کا بل کھاتا دھواں

پھیلتا جاتا ہے ہر سمت مرے کمرے میں

dur shadab pahari pe bana ik bangla

lal khaprailon pe phaili hui angur ki bel

sehn mein bikhre hue mitti ke raja rani

munh charhati hui bachchon ko koi diwani

seb ke ujle darakhton ki ghani chhaon mein

paon dale hue talab mein koi larki

gore hathon mein sambhale hue takiye ka ghilaf

an kahi baton ko dhagon mein saye jati hai

dil ke jazbat ka izhar kiye jati hai

garm chulhe ke qarin baithi hui ik aurat

ek paiwand lagi sari se tan ko dhanpe

dhundli ankhon se miri samt take jati hai

mujh ko awaz pe awaz diye jati hai

ik sulagti hui sigret ka bal khata dhuan

phailta jata hai har samt mire kamre mein