دوا کی شیشی میں

دوا کی شیشی میں

سورج

اداس کمرے میں چاند

اکھڑتی سانسوں میں رہ رہ کے

ایک نام کی گونج۔۔۔۔!

تمہارے خط کو کئی بار پڑھ چکا ہوں میں

کوئی فقیر کھڑا گڑگڑا رہا تھا ابھی

بنا اٹھے اسے دھتکار کر بھگا بھی چکا

گلی میں کھیل رہا تھا پڑوس کا بچہ

بلا کر پاس اسے مار کر رلا بھی چکا

بس ایک آخری سگریٹ بچا تھا پیکٹ میں

اسے بھی پھونک چکا

گھس چکا

بجھا بھی چکا

نہ جانے وقت ہے کیا دور تک ہے سناٹا

فقط منڈیر کے پنجرے میں اونگھتا پنچھی

کبھی کبھی یونہی پنجے چلانے لگتا ہے

پھر اپنے آپ ہی

دانے اٹھانے لگتا ہے

تمہارے خط کو۔۔۔۔۔

dawa ki shishi mein

suraj

udas kamre mein chand

ukharti sanson mein rah rah ke

ek nam ki gunj....!

tumhare khat ko kai bar parh chuka hun main

koi faqir khara gurgara raha tha abhi

bana uthe use dhutkar kar bhagga bhi chuka

gali mein khel raha tha paros ka bachcha

bala kar pas use mar kar rula bhi chuka

bas ek akhiri sigret bacha tha paikit mein

use bhi phunk chuka

ghis chuka

bujha bhi chuka

na jane waqt hai kya dur tak hai sannata

faqat munder ke pinjre mein unghta panchhi

kabhi kabhi yunhi panje chillane lagta hai

phir apne ap hi

dane uthane lagta hai

tumhare khat ko.....