شب فرقت کی تنہائی کا لمحہ

شب فرقت کی تنہائی کا لمحہ

کئی راز نہانی کھولتا ہے

بہت دن سے وہ نا مانوس لہجہ

مرے دشت انا میں گونجتا ہے

مری پہچان رشتے میرا مقصد

سدا سرگوشیوں میں پوچھتا ہے

میں سرگرداں ہوں اس کی جستجو میں

وہ کہتا ہے کہ مجھ کو ڈھونڈتا ہے

ہے اس سے کھل کے ملنا اب ضروری

پس پردہ جو مجھ کو دیکھتا ہے

shab-e-furqat ki tanhai ka lamha

kai raz-e-nihani kholta hai

bahut din se wo na manus lahja

mire dasht-e-ana mein gunjta hai

miri pahchan rishte mera maqsad

sada sargoshiyon mein puchhta hai

main sargardan hun us ki justuju mein

wo kahta hai ke mujh ko dhundta hai

hai us se khul ke milna ab zaruri

pas-e-parda jo mujh ko dekhta hai