سونی سونی تھی فضا

سونی سونی تھی فضا

میں نے یوں ہی

اس کے بالوں میں گندھی خاموشیوں کو چھو لیا

وہ مڑی

تھوڑا ہنسی

میں بھی ہنسا

پھر ہمارے ساتھ

ندیاں وادیاں

کہسار بادل

پھول کونپل

شہر جنگل

سب کے سب ہنسنے لگے

اک محلے میں

کسی گھر کے

کسی کونے کی

چھوٹی سی ہنسی نے

دور تک پھیلی ہوئی دنیا کو

روشن کر دیا ہے

زندگی میں

زندگی کا رنگ پھر سے بھر دیا ہے

suni suni thi faza

main ne yun hi

us ke balon mein gandhi khamoshiyon ko chhu liya

wo muri

thora hansi

main bhi hansa

phir hamare sath

nadiyan wadiyan

kohsar badal

phul konpal

shahr jangal

sab ke sab hansne lage

ik mohalle mein

kisi ghar ke

kisi kone ki

chhoti si hansi ne

dur tak phaili hui duniya ko

raushan kar diya hai

zindagi mein

zindagi ka rang phir se bhar diya hai