بہت دیر ہے

بہت دیر ہے

بس کے آنے میں

آؤ

کہیں پاس کی لان پر بیٹھ جائیں

چٹختا ہے میری بھی رگ رگ میں سورج

بہت دیر سے تم بھی چپ چپ کھڑی ہو

نہ میں تم سے واقف

نہ تم مجھ سے واقف

نئی ساری باتیں نئے سارے قصے

چمکتے ہوئے لفظ چمکتے لہجے

فقط چند گھڑیاں

فقط چند لمحے

نہ میں اپنے دکھ درد کی بات چھیڑوں

نہ تم اپنے گھر کی کہانی سناؤ

میں موسم بنوں

تم فضائیں جگاؤ

bahut der hai

bas ke ane mein

ao

kahin pas ki lan par baith jaen

chatakhta hai meri bhi rag rag mein suraj

bahut der se tum bhi chup chup khari ho

na main tum se waqif

na tum mujh se waqif

nai sari baten nae sare qisse

chamakte hue lafz chamakte lahje

faqat chand ghariyan

faqat chand lamhe

na main apne dukh dard ki bat chherun

na tum apne ghar ki kahani sunao

main mausam banun

tum fazaen jagao