بہت سے کام ہیں

بہت سے کام ہیں

لپٹی ہوئی دھرتی کو پھیلا دیں

درختوں کو اگائیں

ڈالیوں پہ پھول مہکا دیں

پہاڑوں کو قرینے سے لگائیں

چاند لٹکائیں

خلاؤں کے سروں پہ نیلگوں آکاش

پھیلائیں

ستاروں کو کریں روشن

ہواؤں کو گتی دے دیں

پھدکتے پتھروں کو پنکھ دے کر نغمگی دے دیں

لبوں کو مسکراہٹ

انکھڑیوں کو روشنی دے دیں

سڑک پر ڈولتی پرچھائیوں کو

زندگی دے دیں

خدا خاموش ہے!

تم آؤ تو تخلیق ہو دنیا

میں اتنے سارے کاموں کو اکیلا کر نہیں سکتا

bahut se kam hain

lipti hui dharti ko phaila den

darakhton ko ugaen

daliyon pe phul mahka den

paharon ko qarine se lagaen

chand latkaen

khalaon ke saron pe nilgun akash

phailaen

sitaron ko karen raushan

hawaon ko gatti de den

phudakte pattharon ko pankh de kar naghmagi de den

labon ko muskurahat

ankhriyon ko raushni de den

sarak par dolti parchhaiyon ko

zindagi de den

khuda khamosh hai!

tum ao to takhliq ho duniya

main itne sare kamon ko akela kar nahin sakta