بس یونہی جیتے رہو

بس یونہی جیتے رہو

کچھ نہ کہو

صبح جب سو کے اٹھو

گھر کے افراد کی گنتی کر لو

ٹانگ پر ٹانگ رکھے روز کا اخبار پڑھو

اس جگہ قحط گرا

جنگ وہاں پر برسی

کتنے محفوظ ہو تم شکر کرو

ریڈیو کھول کے فلموں کے نئے گیت سنو

گھر سے جب نکلو تو

شام تک کے لیے ہونٹوں میں تبسم سی لو

دونوں ہاتھوں میں مصافحے بھر لو

منہ میں کچھ کھوکھلے بے معنی سے جملے رکھ لو

مختلف ہاتھوں میں سکوں کی طرح گھستے رہو

کچھ نہ کہو

اجلی پوشاک

سماجی عزت

اور کیا چاہیئے جینے کے لیے

روز مل جاتی ہے پینے کے لیے

بس یونہی جیتے رہو

کچھ نہ کہو

bas yunhi jite raho

kuchh na kaho

subh jab so ke utho

ghar ke afrad ki ginti kar lo

tang par tang rakhe roz ka akhbar parho

is jagah qaht gira

jang wahan par barsi

kitne mahfuz ho tum shukr karo

redew khol ke filmon ke nae git suno

ghar se jab niklo to

sham tak ke liye honton mein tabassum si lo

donon hathon mein musafahe bhar lo

munh mein kuchh khokhle be maani se jumle rakh lo

mukhtalif hathon mein sukun ki tarah ghiste raho

kuchh na kaho

ujli poshak

samaji izzat

aur kya chahiye jine ke liye

roz mil jati hai pine ke liye

bas yunhi jite raho

kuchh na kaho