تیغ لہو میں ڈوبی تھی اور پیڑ خوشی سے جھوما تھا

تیغ لہو میں ڈوبی تھی اور پیڑ خوشی سے جھوما تھا

باد بہاری چلی جھوم کے جب اس نے مجھ کو دیکھا تھا

گھائل نظریں اس دشمن کی ایسے مجھ کو تکتی تھیں

جیسے انہونی کوئی دیکھی ان کمزور نگاہوں نے

یہ انصاف تو بعد میں ہوگا کیا سچا کیا جھوٹا ہے

کون یقین سے کہہ سکتا ہے کون برا کون اچھا ہے

لیکن پھر بھی ایک بار تو میرا دل بھی کانپا تھا

کاش یہ سب کچھ کبھی نہ ہوتا میں نے دکھ سے سوچا تھا

گھائل نظریں اس دشمن کی گہری سوچ میں کھوئی تھیں

جیسے انہونی کوئی دیکھی ان کمزور نگاہوں نے

کون ہوں میں اور کون تھا وہ جس پر ہونی نے وار کیا

کون تھا وہ جس شخص کو میں نے بھری بہار میں مار دیا

tegh lahu mein dubi thi aur per khushi se jhuma tha

bad-e-bahari chali jhum ke jab us ne mujh ko dekha tha

ghayal nazren is dushman ki aise mujh ko takti thin

jaise anhoni koi dekhi un kamzor nigahon ne

ye insaf to baad mein hoga kya sachcha kya jhuta hai

kaun yaqin se kah sakta hai kaun bura kaun achchha hai

lekin phir bhi ek bar to mera dil bhi kanpa tha

kash ye sab kuchh kabhi na hota main ne dukh se socha tha

ghayal nazren is dushman ki gahri soch mein khoi thin

jaise anhoni koi dekhi un kamzor nigahon ne

kaun hun main aur kaun tha wo jis par honi ne war kiya

kaun tha wo jis shakhs ko main ne bhari bahar mein mar diya