خوں میں تر صبر کی چادر کہاں لے جاؤ گے

خوں میں تر صبر کی چادر کہاں لے جاؤ گے

زندگانی کو برہنہ سر کہاں لے جاؤ گے

آ گئے احکام نواب بولنا ممنوع ہے

تم سخنور لب گستر کہاں لے جاؤ گے

ٹوٹ جائیں گے ضوابط چیخ اٹھے گا ضمیر

دور نظروں سے ہر اک منظر کہاں لے جاؤ گے

ترک اولیٰ کی سزا یہ پتھروں کا شہر ہے

اب بھلا یہ کانچ کا پیکر کہاں لے جاؤ گے

شوق کے پر پیچ رستے اور عناصر سنگ میل

گر اٹھا بھی لو تو یہ پتھر کہاں لے جاؤ گے

آگہی کا رزق کب ملتا ہے اور کس سمت سے

کاسۂ ذوق نظر در در کہاں لے جاؤ گے

ہجر کی شب کا ہے یہ پچھلا پہر اٹھو شہابؔ

رو چکے شب بھر یہ چشم تر کہاں لے جاؤ گے

khun mein tar sabr ki chadar kahan le jaoge

zindagani ko barahna sar kahan le jaoge

a gae ahkam-e-nawwab bolna mamnu hai

tum sukhanwar lab gustar kahan le jaoge

tut jaenge zawabat chikh uthega zamir

dur nazron se har ik manzar kahan le jaoge

tark-e-aula ki saza ye pattharon ka shahr hai

ab bhala ye kanch ka paikar kahan le jaoge

shauq ke pur pech raste aur anasir sang-e-mel

gar utha bhi lo to ye patthar kahan le jaoge

agahi ka rizq kab milta hai aur kis samt se

kasa-e-zauq-e-nazar dar dar kahan le jaoge

hijr ki shab ka hai ye pichhla pahar utho shahab

ro chuke shab bhar ye chashm-e-tar kahan le jaoge