دئے ابھی نہیں جلے

دئے ابھی نہیں جلے

درخت بڑھتی تیرگی میں چھپ چلے

پرند قافلوں میں ڈھل کے اڑ چلے

ہوا ہزار مرگ آرزو کا ایک غم لیے

چلی پہاڑیوں کی سمت رخ کیے

کھلے سمندروں پہ کشتیوں کے بادباں کھلے

سواد شہر کے کھنڈر

گئے دنوں کی خوشبوؤں سے بھر گئے

اکیلی خواب گاہ میں

کسی حسیں نگاہ میں

الم میں لپٹی چاہتیں ورود شب سے جاگ اٹھیں

ہے دل کو بیکلی سیاہ رات آئے گی

جلو میں دکھ کی لاگ کو لیے ہوئے

نگر نگر پہ چھائے گی

diye abhi nahin jale

darakht barhti tirgi mein chhup chale

parind qafilon mein dhal ke ur chale

hawa hazar marg-e-arzu ka ek gham liye

chali pahariyon ki samt rukh kiye

khule samundaron pe kashtiyon ke badban khule

sawad shahr ke khandar

gae dinon ki khushbuon se bhar gae

akeli khwab gah mein

kisi hasin nigah mein

alam mein lipti chahaten warod shab se jag uthen

hai dil ko bekali siyah rat aegi

jilau mein dukh ki lag ko liye hue

nagar nagar pe chhaegi