کسی سائے کا نقش گہرا نہیں ہے

کسی سائے کا نقش گہرا نہیں ہے

ہر اک سایہ اک آنکھ ہے

جس میں عشرت کدوں نارسا خواہشوں

ان کہی دل نشیں داستانوں کا میلا لگا ہے

مگر آنکھ کا سحر پلکوں کی چلمن کی ہلکی سی جنبش ہے

اور کچھ نہیں ہے

کسی آنکھ کا سحر دائم نہیں ہے

ہر اک سایہ

چلتی ہوا کا پر اسرار جھونکا ہے

جو دور کی بات سے

دل کو بے چین کر کے چلا جائے گا

ہر کوئی جانتا ہے

ہواؤں کی باتیں کبھی دیر تک رہنے والی نہیں ہیں

کسی آنکھ کا سحر دائم نہیں ہے

کسی سائے کا نقش گہرا نہیں ہے

kisi sae ka naqsh gahra nahin hai

har ik saya ik ankh hai

jis mein ishrat kadon narasa khwahishon

an kahi dil nashin dastanon ka maila laga hai

magar ankh ka sahar palkon ki chilman ki halki si jumbish hai

aur kuchh nahin hai

kisi ankh ka sahar daim nahin hai

har ik saya

chalti hawa ka pur asrar jhonka hai

jo dur ki bat se

dil ko be chain kar ke chala jaega

har koi janta hai

hawaon ki baten kabhi der tak rahne wali nahin hain

kisi ankh ka sahar daim nahin hai

kisi sae ka naqsh gahra nahin hai