جب بن سیاہ رات کے تاروں سے بھر گئے

جب بن سیاہ رات کے تاروں سے بھر گئے

کنج چمن میں چمکے شگوفے نئے نئے

مجھ کو ہوا نے بات سجھائی عجیب سی

بادل میں ایک شکل دکھائی عجیب سی

چاند آسماں کی سیج پہ سویا ہوا ملا

رنگ گل انار میں لتھڑا ہوا ملا

اے عاشقان حسن ازل غور سے سنو

میں برگ بے نوا تو نہیں ہوں کہ چپ رہوں

دل کے کسی بھی شعلے کو عریاں نہ کر سکوں

میں تیغ ہاتھ میں لیے سوئے فلک گیا

جذبوں کے رس سے مہکے ہوئے چاند تک گیا

کافی تھا ایک وار مری تیغ تیز کا

مہتاب کے بدن سے لہو پھوٹ کر بہا

jab ban siyah rat ke taron se bhar gae

kunj-e-chaman mein chamke shagufe nae nae

mujh ko hawa ne bat sujhai ajib si

badal mein ek shakl dikhai ajib si

chand asman ki sej pe soya hua mila

rang-e-gul-e-anar mein lithra hua mila

ai ashiqan-e-husn-e-azal ghaur se suno

main barg-e-be nawa to nahin hun ke chup rahun

dil ke kisi bhi shole ko uryan na kar sakun

main tegh hath mein liye su-e-falak gaya

jazbon ke ras se mahke hue chand tak gaya

kafi tha ek war miri tegh-e-tez ka

mahtab ke badan se lahu phut kar baha