پرے سے دیکھو تو صرف خوشبو قریب جاؤ تو اک نگر ہے

پرے سے دیکھو تو صرف خوشبو قریب جاؤ تو اک نگر ہے

طلسمی رنگوں سے بھیگتے گھر نسائی سانسوں سے بند گلیاں

خموش محلوں میں خوبصورت طلائی شکلوں کی رنگ رلیاں

کسی دریچے کی چق کے پیچھے دہکتے ہونٹوں کی سرخ کلیاں

پرے سے تکتی ہر اک نظر اس نگر کی راہوں سے بے خبر ہے

حنائی انگشت کا اشارہ لجائی آنکھوں کی مسکراہٹ

کبھی یوں ہی راہ چلتے اک ریشمی دوپٹے کی سرسراہٹ

سیاہ راتوں کو ہولے ہولے قریب آتی ہوئی سی آہٹ

یہ ساری راہیں ہیں اس نگر کی جو دائمی آنسوؤں کا گھر ہے

pare se dekho to sirf khushbu qarib jao to ik nagar hai

tilismi rangon se bhigte ghar nisai sanson se band galiyan

khamosh mahlon mein khubsurat tilai shaklon ki rang raliyan

kisi dariche ki chaq ke pichhe dahakte honton ki surkh kaliyan

pare se takti har ik nazar is nagar ki rahon se be khabar hai

hinai angishat ka ishara lajai ankhon ki muskurahat

kabhi yun hi rah chalte ik reshmi dupatte ki sarsarahat

siyah raton ko haule haule qarib ati hui si ahat

ye sari rahen hain is nagar ki jo daimi ansuon ka ghar hai