حسن تو بس دو طرح کا خوب لگتا ہے مجھے

حسن تو بس دو طرح کا خوب لگتا ہے مجھے

آگ میں جلتا ہوا

یا برف میں سویا ہوا

درمیاں میں کچھ نہیں

صرف ہلکا سا اچنبھا عکس سا اڑتا ہوا

اک خیال انگیز قصہ اپنی آدھی موت کا

اک الم افزا فسانہ خون دل کے شوق کا

اک کنارے سے صدا دو تو وہ چلتی جائے گی

دور تک اپنے گنہ پر ہاتھ ملتی جائے گی

husn to bas do tarah ka khub lagta hai mujhe

ag mein jalta hua

ya barf mein soya hua

darmiyan mein kuchh nahin

sirf halka sa achambha aks sa urta hua

ik khayal angez qissa apni adhi maut ka

ik alam afza fasana khun-e-dil ke shauq ka

ik kinare se sada do to wo chalti jaegi

dur tak apne gunah par hath milti jaegi