میں ہوں ایک عجیب سپیرا

میں ہوں ایک عجیب سپیرا

ناگ پالنا کام ہے میرا

پیلے پیلے کالے کالے

رنگ برنگے دھبوں والے

شعلوں سی فنکاروں والے

زہریلی مہکاروں والے

ان کی آنکھیں تیز نشیلی

گہری جھیلوں ایسی نیلی

نئے لہو سے لال زبانیں

جیسے موت کی رنگیں تانیں

مخمل کے رومالوں جیسے

سرخ گلابی گالوں جیسے

مجھ کو تکتے رہتے ہیں یہ

مجھ کو ڈستے رہتے ہیں یہ

مجھ پہ ہنستے رہتے ہیں یہ

main hun ek ajib sapera

nag palna kam hai mera

pile pile kale kale

rang barange dhabbon wale

sholon si fankaron wale

zahrili mahkaron wale

un ki ankhen tez nashili

gahri jhelun aisi nili

nae lahu se lal zabanen

jaise maut ki rangin tanen

makhmal ke rumalon jaise

surkh gulabi galon jaise

mujh ko takte rahte hain ye

mujh ko daste rahte hain ye

mujh pe hanste rahte hain ye