رات ہے کتنی گہری کالی

رات ہے کتنی گہری کالی

دکھ کی بات سجھانے والی

دور دور کی آوازوں کو

اجڑے گھروں میں لانے والی

سر پر ہے گھنگھور بدریا

دل میں لگن پریتم کے ملن کی

شور مچاتی بڑھتی آئے

تیز ہوا سونے مدھوبن کی

چڑھتا ساگر رستہ روکے

بیرن بجلی جی کو ڈرائے

دور بہت ہے پی کی نگریا

ہم سے تو اب چلا نہ جائے

rat hai kitni gahri kali

dukh ki bat sujhane wali

dur dur ki awazon ko

ujre gharon mein lane wali

sar par hai ghanghor badariya

dil mein lagan piritam ke milan ki

shor machati barhti ae

tez hua sone madhuban ki

charhta sagar rasta roke

beran bijli ji ko darae

dur bahut hai pi ki nagariya

ham se to ab chala na jae