سفر ہی کرنا ہے لازم تو مت تھکان گرا

سفر ہی کرنا ہے لازم تو مت تھکان گرا

زمیں لپیٹ مرے سر پہ آسمان گرا

مرے وجود کے دیوار و در ہلا اور پھر

مرے خیال کی حد پر کوئی چٹان گرا

میں شب گزیدہ جو کل رات گھر کو لوٹ آیا

مرا دو زانو پہ سر سر پہ سائبان گرا

میں با نصیب ہوں کتنا یہ جان لے تو بھی

کہ پہلے دھوپ تنی مجھ پہ پھر مکان گرا

میں وہ فقیر ہوں لفظوں کا جس کے ہاتھوں سے

خیال چھوٹا کہیں چاک پر گمان گرا

مری کہانی میں اے میرے کاتب تحریر

تو میرا عجز بکھیر اور اس کا مان گرا

safar hi karna hai lazim to mat thakan gira

zamin lapet mire sar pe asman gira

mire wajud ke diwar-o-dar hila aur phir

mire khayal ki had par koi chatan gira

main shab gazida jo kal rat ghar ko laut aya

mira do zanu pe sar sar pe saiban gira

main ba nasib hun kitna ye jan le tu bhi

ke pahle dhup tani mujh pe phir makan gira

main wo faqir hun lafzon ka jis ke hathon se

khayal chhota kahin chak par guman gira

miri kahani mein ai mere katib-e-tahrir

tu mera ijz bikher aur us ka man gira