وہ خوبصورت لڑکیاں

وہ خوبصورت لڑکیاں

دشت وفا کی ہرنیاں

شہر شب مہتاب کی

بے چین جادو گرنیاں

جو بادلوں میں کھو گئیں

نظروں سے اوجھل ہو گئیں

اب سرد کالی رات کو

آنکھوں میں گہرا غم لیے

اشکوں کی بہتی نہر میں

گلنار چہرے نم کیے

ہستی کی سرحد سے پرے

خوابوں کی سنگیں اوٹ سے

کہتی ہیں مجھ کو بے وفا

ہم سے بچھڑ کر کیا تجھے

سکھ کا خزانہ مل گیا

wo khubsurat larkiyan

dasht-e-wafa ki harniyan

shahr-e-shab mahtab ki

be chain jadu girniyan

jo badalon mein kho gain

nazron se ojhal ho gain

ab sard kali rat ko

ankhon mein gahra gham liye

ashkon ki bahti nahr mein

gulnar chehre nam kiye

hasti ki sarhad se pare

khwabon ki sangin ot se

kahti hain mujh ko be wafa

ham se bichhar kar kya tujhe

sukh ka khazana mil gaya