چمکتی روشنی نے ماہتاب بند کر دیا

چمکتی روشنی نے ماہتاب بند کر دیا

کسی نے چشم تر میں جیسے خواب بند کر دیا

ہماری شاخ دل سے اس کی یاد ٹوٹنے لگی

ہوائے غم نے دھوپ کا عذاب بند کر دیا

ہجوم دوستاں میں اس نے ہر کسی کی بات کی

ہمارا نام آیا تو خطاب بند کر دیا

عدیمؔ کائنات بھی عجیب درس گاہ ہے

کسی نے جی لگایا تو نصاب بند کر دیا

chamakti raushni ne mahtab band kar diya

kisi ne chashm-e-tar mein jaise khwab band kar diya

hamari shakh-e-dil se us ki yad tutne lagi

hawa-e-gham ne dhup ka azab band kar diya

hujum-e-dostan mein us ne har kisi ki bat ki

hamara nam aya to khitab band kar diya

adim kainat bhi ajib dars gah hai

kisi ne ji lagaya to nisab band kar diya