ذرا اس خود اپنے ہی

ذرا اس خود اپنے ہی

جذبوں سے مجبور لڑکی کو دیکھو

جو اک شاخ گل کی طرح

ان گنت چاہتوں کے جھکولوں کی زد میں

اڑی جا رہی ہے

یہ لڑکی

جو اپنے ہی پھول ایسے کپڑوں سے شرماتی

آنچل سمیٹے نگاہیں جھکائے چلی جا رہی ہے

جب اپنے حسیں گھر کی دہلیز پر جا رکے گی

تو مکھ موڑ کر مسکرائے گی جیسے

ابھی اس نے اک گھات میں بیٹھے

دل کو پسند آنے والے

شکاری کو دھوکا دیا ہے

zara is khud apne hi

jazbon se majbur larki ko dekho

jo ik shakh-e-gul ki tarah

an ginat chahaton ke jhakolon ki zad mein

uri ja rahi hai

ye larki

jo apne hi phul aise kapron se sharmati

anchal samete nigahen jhukae chali ja rahi hai

jab apne hasin ghar ki dahliz par ja rukegi

tu mukh mor kar muskuraegi jaise

abhi us ne ik ghat mein baithe

dil ko pasand ane wale

shikari ko dhoka diya hai