چھوٹا سا اک گاؤں تھا جس میں

چھوٹا سا اک گاؤں تھا جس میں

دیئے تھے کم اور بہت اندھیرا

بہت شجر تھے تھوڑے گھر تھے

جن کو تھا دوری نے گھیرا

اتنی بڑی تنہائی تھی جس میں

جاگتا رہتا تھا دل میرا

بہت قدیم فراق تھا جس میں

ایک مقرر حد سے آگے

سوچ نہ سکتا تھا دل میرا

ایسی صورت میں پھر دل کو

دھیان آتا کس خواب میں تیرا

راز جو حد سے باہر میں تھا

اپنا آپ دکھاتا کیسے

سپنے کی بھی حد تھی آخر

سپنا آگے جاتا کیسے

chhota sa ik gaon tha jis mein

diye the kam aur bahut andhera

bahut shajar the thore ghar the

jin ko tha duri ne ghera

itni bari tanhai thi jis mein

jagta rahta tha dil mera

bahut qadim firaq tha jis mein

ek muqarrar had se age

soch na sakta tha dil mera

aisi surat mein phir dil ko

dhyan ata kis khwab mein tera

raz jo had se bahar mein tha

apna ap dikhata kaise

sapne ki bhi had thi akhir

sapna age jata kaise