ہم جو کسی پہاڑ پر اپنی دعا اتارتے

ہم جو کسی پہاڑ پر اپنی دعا اتارتے

کرتے کلام بعد میں پہلے خدا اتارتے

ہم کو دیا گیا ہے جو ہم پہ تری عطا ہے وہ

ہم بھی اسی لئے نہیں بار خطا اتارتے

کمرہ مہک اٹھا مرا کھلنے لگا وجود بھی

آنکھیں چمکنے لگ گئیں باب وفا اتارتے

آنا تھا آپ نے اگر کرتے ہمیں تو کچھ خبر

آپ کی رہ میں ہر طرف باد صبا اتارتے

کتنا وفا شعار تھا در سے مرے نہیں اٹھا

روتے ہوئے گزار دی رنگ حنا اتارتے

دین پہ جو نہیں تھے لوگ چاند پہ وہ چلے گئے

ہم تو رہے زمین پر فتوے سدا اتارتے

جن پہ بہت ہی ناز تھا دوست وہی چلے گئے

اس سے بڑا عدیمؔ پر بوجھ وہ کیا اتارتے

ham jo kisi pahar par apni dua utarte

karte kalam baad mein pahle khuda utarte

ham ko diya gaya hai jo ham pe tiri ata hai wo

ham bhi isi liye nahin bar khata utarte

kamra mahak utha mira khulne laga wajud bhi

ankhen chamakne lag gain bab-e-wafa utarte

ana tha ap ne agar karte hamen to kuchh khabar

ap ki rah mein har taraf bad-e-saba utarte

kitna wafa shiar tha dar se mire nahin utha

rote hue guzar di rang-e-hina utarte

din pe jo nahin the log chand pe wo chale gae

ham to rahe zamin par fatwe sada utarte

jin pe bahut hi naz tha dost wahi chale gae

us se bara adim par bojh wo kya utarte