میرے اسکول مری یادوں کے پیکر سن لے

میرے اسکول مری یادوں کے پیکر سن لے

میں ترے واسطے روتا ہوں برابر سن لے

تیرے استادوں نے محنت سے پڑھایا ہے مجھے

تیری بینچوں نے ہی انسان بنایا ہے مجھے

نا تراشیدہ سا ہیرا تھا تراشا تو نے

ذہن تاریک کو بخشا ہے اجالا تو نے

علم کی جھیل کا تیراک بنایا ہے مجھے

خوف کو چھین کے بے باک بنایا ہے مجھے

تجھ سے شفقت بھی ملی تجھ سے محبت بھی ملی

دولت علم ملی مجھ کو شرافت بھی ملی

شفقتیں ایسی ملی ہیں مجھے استادوں کی

پرورش کرتا ہو جیسے کوئی شہزادوں کی

تیری چاہت میں میں اس درجہ بھی کھو جاتا تھا

تیری بینچوں پہ ہی کچھ دیر کو سو جاتا تھا

mere iskul miri yadon ke paikar sun le

main tire waste rota hun barabar sun le

tere ustadon ne mehnat se parhaya hai mujhe

teri bainchon ne hi insan banaya hai mujhe

na tarashida sa hira tha tarasha tu ne

zehn-e-tarik ko bakhsha hai ujala tu ne

ilm ki jhil ka tairak banaya hai mujhe

khauf ko chhin ke be bak banaya hai mujhe

tujh se shafqat bhi mili tujh se mohabbat bhi mili

daulat-e-ilm mili mujh ko sharafat bhi mili

shafqaten aisi mili hain mujhe ustadon ki

parwarish karta ho jaise koi shahzadon ki

teri chahat mein main is darja bhi kho jata tha

teri bainchon pe hi kuchh der ko so jata tha